ثقب أسود

الثقب الأسود  واحد من أغرب الأجسام في الفضاء . وهو عبارة عن منطقة في الفضاء تكون فيها الجاذبية عالية جداً لدرجةٍ لا يتمكن معها الضوء من الهروب من تلك الجاذبية ، ولأن الضوء لا يهرب من جاذبية الثقوب السوداء فهي تظهر باللون الأسود . ولما كانت الثقوب السوداء تبتلع الضوء وهو أسرع الأشياء التي نعرفها ( 300000 كيلومتراً في الثانية ) فلا يمكن لأي جسم آخر أن يفلت من تلك الجاذبية . الثقب الأسود في الحقيقة ليس ثقباً بالمعنى الحرفي وليس فارغاً أيضاً ، فهو مليء بالمواد المتركزة في حيز صغير ، وهذا ما يعطيها قوة الجاذبية الهائلة التي تمتلكها ، وقد سميت الثقوب السوداء بهذا الاسم لأنها تبدو كذلك في الفضاء.

طبعا بعد المقدمة العلمية دى حتفكر ان الكلام حيبقي علمي بحت ، بس للأسف لأ عشان الكلام اللي جاي حيبان منه ليه فهمتك في الأول حقيقة الثقب الأسود وعطيت معلومة عنه.

في مقولة مشهورة بتقول "خلق الله الملائكة عقولا بلا شهوة و خلق الحيوانات شهوة بلا عقول و خلق الإنسان و جعل فيه العقل و الشهوة فمن غلب عقله شهوته التحق بالملائكة و من غلبت شهوته عقله التحق بالحيوانات"  مقولة نقدر نقول صحيحة من هنا للصبح ودة من اللي الواحد بيشوفه دلوقتى من الناس اللي وصلت حالاتهم لأصعب من حالات الحيوانات في الشهوة ( الشهوة هنا مش لازم تكون الشهوة الجنسية بس لا بالعكس الشهوة هي كل مايذهب العقل عن التفكير السليم ويبرز الخصائص الأساسية في الإنسان حب المال - حب السلطة - حب الشهوة الجنسية وحب ملذات الدنيا كلها)

مش حقول ان مفيش حد مافيهوش شهوات او مش كدة بس علي الأقل بتجيله لحظات شهوة اياً يكن مصدرها ايه من مصادر الشهوة المختلفة.

طبعا حنرجع لموضوعنا بعد الكلام الكتير دة انت كدة متقسم في فكرك لحاجتين قلبك (مصدر الشهوة ) عقلك  طبعا وفي ساعات الشهوة بتكون حاجة كويسة مش وحشة انك مثلا يكون عندك شهوة وشغف للقراءة وكدة .

طيب دلوقتى في حاجات كتير ممكن تكون بتستخدم فيها عقلك بس في حاجات تانية مش بتستخدم فيها غير قلبك ......

أزاي أعرف انا دلوقتى بقيت شهواني ولا عقلاني زى مابيقولو ...

طبعا المفروض انك بتحاول توازن بينهم هما الاتنين عشان تبقي واخد قرار مقتنع بيه عقلانيا ومرتاحله نفسيا ودة اللي بيوصلك للتوازن في حياتك وتوازن زى دة مش حتقدر توصله غير بحاجتين :

 اولا: رضا الوالدين ودعائهم

ثانيا: القرب من ربنا وقراءة القران والصلاة

مش حقول اني دخلت في موضوع ديني بس دى الحقيقة ان مافيش اي حاجة بتقدر تهدى الشهوة الا الحاجات دى.

ساعات للأسف بتوصل لمرحلة من الحياة مش عارف تاخد قرار ومش عارف الترجيح فين عندك ميل لحاجة في قلبك وفي نفس الوقت عقلك مقتنع نسبيا بيها بس في مهاترات جوة عقلك مش عارف ايه مفاداها ، ولو المرحلة دى طولت فترتها حنوصل لنقطة الثقب الأسود اللي انت بتدخله معلومات كتيرة وفي نفس الوقت مش عارف حتخرج علي هيئة ايه أو اذا كانت حتخرج أساسا منه لأنك مش عارف تفاصيله هوه بيعمل ايه جواة (عقلك الباطن).

طبعا كلام كتير ممكن تحس انه ملوش اي تلاتين لازمة بس مجرد كلام ممكن تستفاد منه وممكن لا ، ممكن يفيدك وانت جوه الثقب الأسود بتاعك.

اخر حاجة احب اقولها مقوله اجنبيه بتقول "if it doesn't feel right it probably isn't" أو فيما معناه لو الحاجة اللي انت بتفكر فيها او رايح تعملها حاسس انها فيها حاجة غلط أو لمواخذة شمال يعني يبقي هيه فعلا غلط ، ودة الاحساس الداخلي بتاعك اللي بيبقي نابع من النقطتين اللي قولتلك عليهم في الأول ( رضا الوالدين ودعاؤهم - رضا ربا وفضله عليك).

ممكن تبقي أول وأخر حاجة أكتبها مش عارف بس في الأخر نقدر نقول الحمد لله و See you when I see you